Svizra - Uschè bler ha la pandemia custà la Confederaziun ed ils chantuns

La pandemia da Covid-19 ha chaschunà a la Confederaziun custs da sanadad directs da var 5 milliardas francs. Tranter auter per ils tests da covid e per il vaccin. En ils chantuns eran quels tranter 2,3 e 2,9 milliardas francs. Quai resulta d'in nov rapport dal Cussegl federal. El ha deliberà mesemna il rapport final davart las consequenzas finanzialas da la pandemia. Quel resumescha ils dus rapports intermediars e preschenta da nov cifras per l’onn 2022 e cifras dals chantuns.