Svizra - Trend: I fiss stà 4 giadas in gea per las votaziuns federalas

L'emprim trend per las votaziuns: 4 x gea

• Cun in resultat stretg èsi da quintar areguard l'iniziativa per in repatriament effectiv . Quai demussa l'emprima tendenza che l'institut gfs.bern ha retschertgà per la SRG/SSR. Sch'i fiss vegnì votà ils 12 da quest mais avessan 51% dal suveran svizzer ditg gea a l'iniziativa, 42% na e 7% n'avessan anc betg savì, co votar.
• Mademamain stgars fissi vegnì per l'iniziativa che vul scumandar da specular cun mangiativas. 48% avessan ditg gea, 39% na ed ina gronda part, numnadamain 13%, n'è anc betg sa decidida.
• Cun ina maioritad da 67% da las vuschs fiss l'iniziativa cunter il chasti da maridar vegnida approvada. Quai cunter 21% na e 12% indecis.
• La midada da la lescha davart il traffic da transit sin via en il territori da las Alps (sanaziun dal tunnel da via tras il Gottard cun in segund tunnel) avessan 64% approvà cunter 29% na e 7% indecis.

RR novitads 17:00