En il chantun Neuschatel survegnan scolasts e funcziunaris en l’avegnir quatter emnas congedi da paternitad. Il parlament chantunal ha approvà ina midada da la lescha cun 67 cunter 33 vuschs. Ils custs per questa midada vegnan stimads dal chantun sin 240'000 francs ad onn. Fin uss muntava il congedi da paternitad be in’emna.
En il Parlament federal è vinavant pendenta in’iniziativa dal pievel che pretenda medemamain quatter emnas congedi per babs. Il Cussegl federal refusescha l’iniziativa.
RR novitads 08:00