La PS vul che nagin sto pajar dapli che 10% da sias entradas per las premias da las cassas da malsauns. Ina differenza sto vegnir cumpensada dals chantuns e da la confederaziun entras la reducziun da premias. La PS quinta cun custs supplementars da 3,6 milliardas francs.
La Chanzlia federala controllescha uss las suttascripziuns. Sche pli che 100'000 da quellas èn valaivlas, vegn l'iniziativa anc tractada en il Cussegl federal ed en il parlament. Pir suenter votescha la populaziun. Fin là dura quai per regla plirs mais, fin in pèr onns.
RTR novitads 16:00