Legenda:
Il luf na saja betg il problem, mabain la mancanza da pasturs.
Keystone
cuntegn
Svizra - Petiziun per ina meglra protecziun da nursas sin alps
Passa 25'000 suttascripziuns ha la Protecziun dals animals svizra rimnà. Betg il luf saja il problem mabain la mancanza da pasturs, saivs e chauns da protecziun. L'uniun pretenda uss dapli engaschi dal Cussegl federal.
Betg il luf saja il problem mabain la surveglianza da las nursas che manchia. Uschia dovria quai dapli pasturs, dapli saivs e dapli chauns da protecziun, scriva la Protecziun dals animals.
Tgi che na sa tegnia betg vi da quai na duaja betg pli survegnir subvenziuns, pretenda la Protecziun dals animals.
Tar ils purs fruntan las pretaisas sin resistenza. Las alps sajan per part en territori fitg stips ed uschia betg simpel da proteger, scriva per exempel l’uniun da tratga vallesana.
