Areguard temas politics na s'infurmeschan giuvens betg mo pli pauc ma els han era in problem da fidanza.
Surtut las medias han ina posiziun difficila: tar temas politics sa fidan ils giuvenils il pli pauc da schurnalists. La fidanza en schurnalists è tar 17 % entant che quella en il Cussegl federal è tar passa 50 %. Dentant vul la giuventetgna infurmaziuns e quellas duain esser neutralas.
La fidanza vegn tar ils giuvens tendenzialmain adina pli pitschna, ma che quella è uschè bassa ha fatg star stut.
La furmaziun politica resta impurtanta per giuvens e giuvnas. Quai mussa il studi. E atgnamain saja l’interess era qua, dentant va quel enavos en tut las tematicas.
Politica ed instituziuns ston uss vegnir activas e svegliar l'interess tar ils giuvens.
Plitost l’interess per la politica svizra vegn adina pli pitschna. Quest è gia il terz onn che quel sa diminuescha. Pli grond è quel per la politica da l’exteriur. Tematicas sco l’elecziun dal president american.
-
Bild 1 von 3. Interess per politica svizra. L'interess da giuvnas e giuvens en la politica svizra è sa sminuì marcantamain. Entant che 56% s'interessavan il 2014, èsi l'atun da l'onn passà stà 51% che na s'interessan betg per la politica svizra. Bildquelle: gfs.bern / grafica RTR.
-
Bild 2 von 3. Tantas giadas van giuvens per infurmaziuns politicas: . La cumpart da giuvnas e giuvens che va mai u main ch'ina giada l'emna per infurmaziuns politicas è creschida da 29% a 40% dal 2014 fin al 2017. Bildquelle: gfs.bern / RTR grafica.
-
Bild 3 von 3. Confidenza tschessa: . Giuvens e giuvnas che vulan infurmaziuns sa fidan pli e pli pauc da las funtaunas tradiziunalas – I na sa fidan betg che las funtaunas sajan neutralas. Bildquelle: gfs.bern / RTR grafica.
RR novitads 17:00