Legenda:
Il parlament vul reducir il rument da plastic.
Keystone
cuntegn
Svizra - Parlament vul cumbatter rument da plastic
La cumissiun da l'ambient dal Cussegl dals chantuns vul cumbatter il rument da plastic. Ella è s'exprimida unanimamain per ina moziun or dal Cussegl naziunal che pretenda ch'i vegnia reducì la polluziun dal plastic en las auas ed il terren.
Concret vul la cumissiun obligar il Cussegl federal d'examinar e prender mesiras ensemen cun la branscha pertutgada. Quai per reducir il diever da plastic tar pachetadis e products che vegnan duvrads be ina giada. Plinavant duai vegnir promovì la perscrutaziun sin quest champ.
Cun engrevgiar la moziun duai la polluziun sur tut dal microplastic vegnir cumbattida. Il Cussegl federal refusa la moziun. El vul en emprima lingia mesiras voluntaras.
