L'iniziativa haja laschà memia bleras dumondas avertas. La populaziun n'haja betg fidà al project dals Giuvens Verds. Tranter auter er perquai che la lescha davart la planisaziun dal territori, che la populaziun ha approvà il 2013, porschia avunda pussaivladads per proteger l'ambient. La lescha severa stoppia vegnir realisada a moda consequenta, uschia Sommaruga. Concret muntia quai che chantuns e vischnancas stoppian prender ord zona memia grond terren da bajegiar enfin ils 30 d'avrigl. Cas cuntrari dettia in stop d'enzonar.
RR novitads 17:00
