La Svizra ed il Liechtenstein vulan far ensemen dapli cunter la dependenza da gieus da fortuna. Da nov na duain giugadras e giugaders suspendids betg pli pudair ir en l’auter pajais a giugar.
La cunvegna bilaterala stgaffescha la basa per barattar datas da giugadras e giugaders serrads. Uschia duai vegnir evità che persunas ch’èn serradas en in pajais possian cuntinuar cun ina banca da gieu da l’auter pajais. Ils possessurs da casinos dad omadus pajais ston en l’avegnir barattar las datas da las persunas bloccadas.
La ministra da giustia Karin Keller-Sutter e la vice-scheffa da la regenza dal Liechtenstein Sabine Monauni han suttascrit ina cunvegna. Sco la Confederaziun scriva saja questa cunvegna l’emprima da quest tip. La Svizra ed il Liechtenstein hajan cun quai ina rolla da precursurs.
