Mustafa Memeti (55) è oriund da la Serbia ed ha studegià dretg islamic en numerus pajais sco en Siria, en Tunesia ed en l'Arabia Saudita. En Svizra viva el dapi 19 onns e dapi 12 onns ha el era il pass svizzer. L'imam s'engascha per in islam modern che sa distanziescha dal extremissem e dal terrorissem.
«La burca è plitost tradiziun che religiun»
Ord vista teologica n'ha dettia en la Sontga Scrittira dal islam nagins indizis che las dunnas stoppian zuppentar lur fatscha, di Mustafa Memeti. Anzi: En in text saja scrit che las dunnas duain mussar lur identitad.
En Svizra portian fitg paucas dunnas ina burca, constatescha l'imam. Tar muslims fitg conservativs saja quai segir anc il cas. Aber Mustafa Memeti accentuescha che cuvrir la fatscha cun ina burca derivia plitost da tradiziuns e da la cultura e na saja betg in'obligaziun da la religiun islama.
-
Bild 1 von 5Legenda: Ils cartents durant l'oraziun da mezdi en la "Chasa da las religiuns" a Berna. RTR, Nadja Cadonau -
Bild 2 von 5Legenda: Dapi il december 2014 datti la mosche en la "Chasa da las religiuns" a Berna. RTR, Nadja Cadonau
-
Bild 3 von 5Legenda: Ils umens sa rimnan davant tar l'imam per far oraziun. RTR, Nadja Cadonau
-
Bild 4 von 5Legenda: L'imam Mustafa Memeti avant la moschea sin l'Europaplatz a Berna. RTR / Fabia Caduff
-
Bild 5 von 5Legenda: Las dunnas ed ils umens fan separà oraziun. RTR, Nadja Cadonau
Scumandar la burca - gea u na?
Dapi la stad vala en il chantun Tessin in scumond da burca. Il Cussegl dals chantuns ha refusà oz in'iniziativa parlamentara da Walter Wobmann (PPS) per in scumond da cuvrir la fatscha en lieus publics en Svizra.
Mia mamma purtava anc la burca, dentant cura ch'ella è ida a scola n'era quai betg pli en moda e lura ha ella laschà davent ella. Jau pens ch'in scumond na dovri betg, perquai che mintga dunna duai decider sez sch'ella vul purtar ina burca u betg.
Giud maisa n'è il tema burca dentant betg: Actualmain rimna in comité enturn Wobmann suttascripziuns per in'iniziativa che vul scumandar da zuppentar la fatscha. Enfin ils 15 da settember han els temp da rimnar las 100'000 suttascripziuns.
RR actualitad 12.00