Dapi il 2009 sesa Burkhalter ch'è dal chantun Neuchâtel en il Cussegl federal. Il 2014 è el stà president da la Confederaziun. Suenter passa 30 onns en la politica e da quai 8 onns en il Cussegl federal, saja quai uss temp da far ina midada, ha Burkhalter scrit en sia brev d’abdicaziun prelegida en il Cussegl naziunal dal president Stahl. Plans concrets na dettia quai anc betg, scriva Burkhalter.
Didier Burkhalter è naschì ils 17 d’avrigl 1960 ad Auvernier en il chantun Neuchâtel. Suenter ha el terminà ils studis d’economia a l’universitad da Neuchâtel. El è stà en differentas funcziuns en l’universitad ed en l’economia privata. El è maridà ed ha trais uffants.
Dapi il 1985 commember dals liberal-democrats
Dapi il 1985 è Burkhalter commember da la partida liberal-democratica. Il 1991 è el vegnì elegì en la regenza da la citad da Neuchâtel a la quala el ha fatg part fin il 2005. Il 2003 era Burkhalter vegnì elegì en il Cussegl naziunal ed il 2007 alura en il Cussegl dals chantuns.
Parsura da la OSCE
Il 2014 è stà l’onn culminant en la carriera politica da Burkhalter. Quel onn è el stà president da la Confederaziun ed il medem mument era parsura da l’OSCE, l'Organisaziun per la segirezza e la collavuraziun en l'Europa. Surtut era Burkhalter vegnì activ en il conflict en l’Ucraina dal ost.
Il cusseglier federal Didier Burkhalter
-
Bild 1 von 13. settember 2009: . Anc sco cusseglier dals chantuns e candidat per il Cussegl federal curt avant ils «hearings» da las fracziuns. Bildquelle: Keystone.
-
Bild 2 von 13. 16 da settember 2009: . Didier Burkhalter sco cusseglier federal nov-elegì tar la saramentaziun. Bildquelle: Keystone.
-
Bild 3 von 13. matg 2010: . Il purtret uffizial dal cusseglier federal Didier Burkhalter da Neuschatel. Bildquelle: Keystone.
-
Bild 4 von 13. settember 2011: . Didier Burkhalter e cusseglier guvernativ lucernais Marcel Schwerzmann (dretg dasperas) tar l'avertura da la nova universitad da Lucerna. Bildquelle: Keystone.
-
Bild 5 von 13. avrigl 2013: . En discurs cun la delegaziun chinaisa cun il minister da l'exteriur Wang Yi. Bildquelle: Keystone.
-
Bild 6 von 13. zercladur 2014: . Sco minister da l'exteriur sin visita en l'Ucraina (Mariupol) per offerir agid umanitar tranter auter per uffants e pops bandunads. Bildquelle: Keystone.
-
Bild 7 von 13. zercladur 2014: . Sco president era da l'Organisaziun per segirtad e cooperaziun en l'Europa (OSCE) en discurs cun il president russ Wladimir Putin davart il conflict en l'Ucraina. Bildquelle: Keystone.
-
Bild 8 von 13. settember 2014: . Sco president da la Confederaziun tar ses pled avant l'assamblea generala da las Naziuns Unidas. Bildquelle: Keystone.
-
Bild 9 von 13. 10 da schaner 2015: . Cusseglier federal Didier Burkhalter engrazia per il Swiss Award ch'el ha survegnì en la categoria politica. Bildquelle: Keystone.
-
Bild 10 von 13. schaner 2016: . Tranter fatschentas ha era humor plaz: Ensemen cun il minister american John Kerry suenter in inscunter bilateral al Forum d'economia mundial a Tavau. Bildquelle: Keystone.
-
Bild 11 von 13. zercladur 2016: . Il cusseglier federal Didier Burkhalter beneventa la cussegliera federala Doris Leuthard en il Cussegl naziunal. Bildquelle: Keystone.
-
Bild 12 von 13. mars 2017: . En discurs cun il minister da l'exteriur da la Tirchia Mevlut Cavusoglu en connex cun las campagnas d'elecziun ch'ha dà da discutar en tut l'Europa. Bildquelle: Keystone.
-
Bild 13 von 13. avrigl 2017: . Fotografia en gruppa da ministers da l'exteriur tar conferenza davart la situaziun en la Siria. Bildquelle: Keystone.
RR novitads 16:00