Legenda:
Firmas multinaziunalas duajan far transparent lur fatschentas.
Keystone
cuntegn
Svizra - Dapli transparenza da taglia tar firmas multinaziunalas
Firmas multinaziunalas ston procurar davent dal 2018 per dapli transparenza da taglia. Uschia èn firmas, ch'èn activas en plirs pajais, obligadas d'elavurar rapports per mintga pajais dapersai. Davent dal 2020 baratta la Svizra lura quests rapports cun il stadis partenaris.
Il Cussegl federal metta en vigur sin il 1. da december la lescha correspundenta sco era la cunvegna cun ils stadis partenaris. La finamira dalla nova lescha duai impedir che gudogns vegnan transferids en terras cun in pe da taglia bass.
Pertutgadas èn interpresas cun ina svieuta annuala da 900 milliuns francs e dapli. Quai correspunda ad ina svieuta minimala da 750 milliuns euros il di da controlla. Tenor il Cussegl federal saja quai il cas tar 200 concerns domicilads en Svizra.
