Il 2022 hai dà in augment dals custs da sanadad da 2,6%. Uss èn quels anc ina giada creschì il 2023: per 4,4% en l'emprim quartal. Quai pudess muntar in ulteriur augment da las premias da cassas da malsauns il 2024.
I saja dentant anc memia baud per trair quellas conclusiuns per il 2024, uschia il BAG. El ha infurmà davart l'augment dals custs. Pliras chaussas inditgeschian dentant ch'i vegn anc ina giada pli char il 2024. Las cassas n'hajan betg pli uschè bler reservas, ed er quai muntia che las premias vegnan a crescher. Ils onns passads han las assicuranzas da malsauns per part pudì mitigiar in augment da las premias grazia a reservas.
En quels secturs creschan ils custs da sanadad: analisas da labors, tgira ambulanta en ils ospitals, tar las apotecas, ils medicaments, las chasas d'attempadas, la fisioterapia e la spitex.
