Legenda:
Cunzunt las mesiras da spargn da la Credit Suisse han procurà per dapli gudogn.
Keystone
cuntegn
Svizra - Credit Suisse: Augmentà il gudogn sin 303 milliuns francs
Sper la UBS ha er l’autra banca gronda svizra gudagnà marcantamain dapli il segund quartal. La Credit Suisse ha pudì augmentar il gudogn per 78% sin 303 milliuns francs.
Uschia ha la Credit Suisse fatg l’emprima mesadad dal 2017 in gudogn da 899 milliuns francs. Quai communitgescha la banca. Avant in onn ha la banca anc fatg ina perdita da 132 milliuns francs.
L'aczia da la Credit Suisse è grazia a las bunas cifras dal segund quartal ida ensi. Lezza ha temporarmain nudà in plus da 4 pertschient.
