Legenda:
Sin in bain a Hefenhofen en la Turgovia èn plirs tozzels chavals crappads.
MAD / SRF
cuntegn
Svizra - Chavals da Hefenhofen vegnan vendids
Ils chavals da Hefenhofen ch'èn actualmain en il center da cumpetenzas da veterinaris da l'armada a Schönbühl en il chantun Berna duain vegnir vendids gievgia proxima.
La finamira saja ch'ils var 90 chavals sajan plazzads fin la fin da l'emna. Quai ha ditg il cumandant dal center da cumpetenzas.
Scumond da tegnair animals
L'entschatta d'avust era vegnì enconuschent che plirs animals eran crappads ils davos mais sin in bain a Hefenhofen en il chantun Turgovia. Ulteriurs eran vegnids maghers ed eran en in nausch stan. Il pur è vegnì mess en fermanza. El na dastga betg tegnair animals pli.
