La Posta augmenta l’entschatta da l’onn 2024 ils pretschs per brevs e pachets. Brevs da posta A e B vegnan mintgamai 10 raps pli charas, pachets da prioritad ed economy custan en l’avegnir 1 franc e 50 raps dapli. Il survegliader dals pretschs svizzer ha approvà ils augments.
Ils augments da pretschs sajan necessaris per l’ina perquai ch'adina pli paucas brevs vegnan tramessas, e ch'i dat adina pli paucas fatschentas al spurtegl, ha la Posta communitgà. Per l’autra chaschunia la chareschia actuala custs supplementars considerabels tar l’energia, il transport, il material e las pajas.
Part d'ina cunvegna tranter il survegliader dals pretschs e la posta è che pachets vegnan a custar medem bler sco uss, sch'ins pajà online e squitscha or sez l'etichetta.
