Skiunz e skiunzas en Svizra vegnian adina pli svelts. Tar questa conclusiun vegn in nov studi da la SUVA. 75% da las skiunzas e skiunz giajan pli svelt che 50 kilometers l'ura sin las pistas, 20% perfin pli svelt che 70 kilometers l'ura .
Per questas sveltezzas dettia duas raschuns: Per l'ina pistas artifizialas, per l'auter il meglier material d'ir cun skis.
Las autas spertadads na chaschunian dentant betg dapli accidents, uschia la SUVA. Ellas chaschunian dentant accidents pli severs, quai ch'è er collià cun custs pli auts. Per la SUVA sajan quai 307 milliuns francs ad onn.
