Ustarias e bars che sajan era anc l'entschatta matg pertutgads da las mesiras da corona restrictivas da la Confederaziun, na duain betg stuair pajar enavos tut lur credits d'urgenza. Quai pretenda la cumissiun d'economia dal Cussegl dals chantuns. Per la gastronomia n'ha il Cussegl federal anc numnà nagina data per schluccar las reglas, perquai hai dà blera critica .
La maioritad da la cumissiun è da l'opiniun ch'ils tschains da locaziun sajan ina greva chargia. I saja perquai impurtant che tals manaschis possian quintar cun sustegn per uschia pudair impedir concurs. Questa mesira duai dentant mo valair per cas gravants.
