L'interpresa da farma Pfizer ha dumandà per la lubientscha da dar lur vaccin da corona er ad uffants tranter 5 e 12 onns. La dumonda ha l'interpresa inoltrà tar Swissmedic. La dumonda sa basia tranter auter sin in studi cun passa 4'600 uffants da quella vegliadetgna, ha communitgà Swissmedic. Ils probands hajan survegnì qua ina dosa pli pitschna cumpareglià cun creschids.
Mesemna aveva gia il producent dal vaccin da Moderna dumandà per la lubientscha. Ils documents inoltrads a Swissmedic cumpiglian emprims resultats d’in studi cun bunamain 5'000 participantas e participants.
Ils dus vaccins èn actualmain lubids en Svizra, a partir da 12 onns