Tar las elecziuns dal parlament da l'october han ils Verds pers vuschs, il president Balthasar Glättli tira ussa las consequenzas. Il Turitgais ha confermà envers Radio SRF ch'el na sa mettia betg pli a disposiziun per las elecziuns internas da sia partida. El haja gia decis quai il di suenter las elecziuns cura che sia partida ha pers 5 sezs.
Jau sun la fatscha da questa terrada ed ils Verds han merità da pudair partir cun ina nova fatscha vers novs progress.
I saja sco en il ballape: Il trenader na saja betg tut la culpa tar sconfittas – mintgatant dovria quai dentant tuttina la midada, ha Glättli ditg envers SRF.
El resta ussa anc en uffizi enfin en avrigl 2024, lura decidan las delegadas ed ils delegads davart la successiun da Glättli. Pussaivel fiss er ch'i dess in co-presidi, quai saja gia vegnì da pliras parlamentarias e parlamentaris da la partida. Glättli vesas quai er sco opziun.
