Il cusseglier naziunal ed anteriur moderatur da la Tagessschau da SRF vul daventar cusseglier federal. El è pia in dals trais candidats ch'han s'annunzià fin uss. Tgi che la fracziun da la PS vul preschentar sco successiun d'Alain Berset, decida ella ils 25 da november.
Aebischer ha tranter auter lavurà en la politica da traffic ed educaziun. Tenor il co-president da la PS bernaisa saja in communicatur fitg talentà che saja datiers tar la glieud. Sper Aebischer ha gia Daniel Jositsch e Mustafa Atici annunzià da vulair candidar.
