L’obligatori da purtar mascrinas durant la pandemia da corona è stà dispitaivel. Cunzunt en las scolas han ins crititgà questa mesira. In studi da l’Universitad da Berna mussa uss che purtar mascrinas en scola ha gì in effect.
En media saja la concentraziun dil coronavirus en l’aria stada 70% pli bassa cur che las persunas han purtà mascrinas en las stanzas. En il studi han ins era examinà l'effect dad apparats che schubregian l'aria. Cun quels saja la concentraziun da virus sa reducida en l’aria per 40%. Per il studi han ins examinà duas scolas secundaras en il chantun da Solothurn durant l'unda dad omicron, dal schaner enfin il mars 2022.
