-
Bild 1 von 3Legenda: Suandads èn radund 100 creschids e blers uffants. RTR, Ursin Cadisch -
Bild 2 von 3Legenda: Sin la scala da la Chasa grischa han demonstrantas e demonstrants deponì messadis per la regenza. RTR, Ursin Cadisch
-
Bild 3 von 3Legenda: Differentas organisaziuns criticas vers la mesiras han clamà a la demonstraziun lubida. RTR, Ursin Cadisch
Radund 100 persunas han demonstrà a Cuira sin la plazza da la regenza la mesemna suentermezdi. A la demonstraziun lubida han clamà pliras organisaziuns criticas vers las mesiras encunter corona.
Laschar en paus scolaras e scolars
En il center è stà da cumbatter l'obligatori da mascrinas en scola. Cun fegls sgulants vegn appellà da scriver ina brev persunala a la regenza – quai concret al president da la regenza, cusseglier guvernativ Mario Cavigelli. La critica concreta è ch'ins violeschia cun l'obligatori da mascrinas il dretg fundamental dals uffants sin integritad corporala e spiertala e ch'ins pericliteschia uschia la sanadad dals uffants.
Demonstraziun cunter lescha da Covid-19 a Glion
Var 200 persunas han demonstrà paschaivlamain la mesemna saira a Glion. Participà a la demonstraziun lubida han per gronda part persunas indigenas.Organisà la demonstraziun ha Sascha Tischhauser da Glion, ensemen cun il Helvetia Trichlers.