La Confederaziun ha cumprà ulteriuras 3 milliuns dosas dal vaccin cunter corona dal producent Pfizer/Biontech. Quai ha il minister da sanadad Alain Berset tschivlottà sin Twitter. In milliun da questas dosas stettian a disposiziun als chantuns ils mais avrigl, matg e zercladur, uschia annunzia Berset.
En tut ha la Svizra uss fatg contracts dal vaccin per 35,8 milliuns dosas. 6 milliuns derivan da Pfizer/Biontech e 13,5 milliuns dosas da Moderna. Ulteriurs furniturs èn AstraZeneca, Curevac e Novavac.
