Adina dapli persunas da l'exteriur vegnan sur cunfin per lavurar en Svizra. L'emprim quartal da quest onn ha l'Uffizi federal per statistica registrà 386’000 cunfinaris. Quai fa in plus da 6% cumpareglià cun l'emprim quartal da l'onn passà.
Sur ils davos 5 onns è il dumber schizunt creschì per 20%. In zic dapli che la mesadad dals cunfinaris viva en Frantscha, bun in quart en l'Italia e 17% en Germania.
