La lescha da chatscha na saja betg vegnida refusada be en chantuns urbans sco Genevra u Basilea-Citad. Er chantuns champesters sco il Giura u l'Argovia hajan votà encunter, di la presidenta da la Confederaziun Simonetta Sommaruga.
Il Na muntia che votantas e votants na veglian betg midar insatge vid la lescha da chatscha actuala. La Confederaziun haja uschia vinavant il davos pled tar la dumonda da la regulaziun dal luf. La debatta enturn questa lescha saja savens stada emoziunala. Ella accentuescha en quest reguard: «Per il Cussegl federal èsi impurtant ch'il Na sa drizza betg cunter allevaturs da nursas, pasters u regiuns muntagnardas.»
Nagina regiun duai vegnir distatgada. Jau vi tegnair ensemen la Svizra. Nagina regiun dastga vegnir emblidada.
