Thomas Jordan, il president da la Banca naziunala svizra, sa retira la fin da settember da ses uffizi. Quai ha communitgà la banca naziunala. Jordan è stà dapi il 2012 a la testa da l'institut. Davart la successiun da Jordan n'ha la Banca naziunala svizra anc fatg naginas indicaziuns.
Thomas Jordan ha annada 1963. El ha cumenzà sia lavur tar la Banca naziunala svizra il 1997, sco manader da la perscrutaziun. Dapi il 2007 è el stà en la direcziun da la banca ed ha il 2012 surpiglià il timun da la banca. El è tranter auter stà participà al svilup da la novavla seria da notas svizras «La Svizra multifara».
