Evi Allemann, cussegliera guvernativa dal chantun Berna, vul daventar cussegliera federala. La dunna da 45 onns ha dà enconuschent il glindesdi sia candidatura. Ella è l'emprima dunna e la sisavla politicra che candidescha per la successiun dad Alain Berset. Ella Rooftop Bar dal Volkshaus ella citad veglia da Berna ha la Bernaisa annunzià sia candidatura per il cussegl federal.
Cun 45 onns po Evi Allemann guardar enavos sin varga dus decennis en la politica. Dal 2003 fin il 2018 è Allemann stada el Cussegl naziunal per la PS. Suenter la fin da sia carriera dal cussegl naziunal pervia d'ina limitaziun interna dal temp d'uffizi da sia partida – è Allemann vegnida elegida l'onn 2018 en la regenza da Berna, nua ch' ella maina dapi lura la direcziun da l'intern e da la giustia.
La presidenta da la citad è cun Jon Pult (39) in dals candidats pli giuvens per la successiun da Bersets. Tar ils ulteriurs candidats tutgan Daniel Jostisch (58), Beat Jans (59), Matthias Aebischer (55) e Roger Nordmann (50).
