Radund 90 fugitivs e fugitivas da 13 pajais èn stads a la terza sessiun da fugitivs a Berna, ha communitgà ils organisaturs. Els han fatg differentas pretensiun sco per exempel in meglier access a la furmaziun, en spezial per las dunnas u era in meglier access a l'assistenza psicologica.
Tranter auter han ils fugitivs e las fugitivas era crititgà il fatg che persunas che han stuì fugir da l'Ucraina vegnian tractads megliers che da quels dad auters pajais. Els pretendan l'egualitad. La finamira dals organisaturs da la sessiun da fugitivs è da dar ad els ina vusch politica.