En nagina branscha na datti actualmain uschè bleras plazzas libras sco en il sectur da sanadad: En la tgira sajan bunamain 15'000 plazzas vacantas. Plinavant manchian er radund 4'000 medis e medias. Quai scriva la «SonntagsZeitung». Las consequenzas sentian actualmain surtut las staziuns d’urgenza.
Emprimas staziuns d'urgenza ston gia reducir manaschi
En vista a la mancanza da persunal qualifitgà avertescha Vincent Ribordy, il co-president da la Societad svizra da medischina d’urgenza e da salvament, d’in collaps dal sistem sin las staziuns d’urgenza. Uschia haja la staziun d’urgenza da l’ospital a Martigny en il Vallais gia stuì serrar il manaschi durant la notg.
I dovra in nov pensar – er dals pazients
En emprima lingia dovria dapli persunal. Ma er la glieud stoppia sentir ch’i na saja betg necessari da currer sin la staziun d’urgenza pervi da mintga piculezza. En ils blers cas possian las apotecas ed ils medis da chasa gidar, uschia Ribordy vinavant.
Or da l'archiv
