La cumbinaziun da la grippa, covid e dal virus RS fa quitads a la Societad svizra per medischina d'urgenza e salvament. Quella pudess procurar in dumber da record da pazients. Ensemen cun la mancanza da persunal sco era da capacitad da letgs pudess quai surchargiar las staziuns d'urgenza dals ospitals svizzers.
En ina brev als uffizis da sanadad averteschan l'organisaziun svizra ensemen cun quella da la svizra franzosa, che quai pertutgia betg mo las staziuns d'urgenza, mabain mussia ils cunfins da l'entir sistem da sanadad svizzer.
