L'uniun tetgala da las scolastas e dals scolasts è s'exprimida explicitamain cunter in scumond d'intelligenza artifiziala, sco per exempel ChatGPT, en las scolas. Quai ha ditg il manader da la pedagogia Beat Schwendimann ad ina conferenza da medias:
audio
Beat Schwendiman davart intelligenza artifiziala en scola
ord RTR Audio dals 10.08.2023.
laschar ir. Durada: 11 Secundas.
In tal scumond fiss cumparegliabel cun il scumond da calculader da tastga en il rom da matematica u cun in scumond da duvrar las maschinas da tschertgar durant lavurs da retschertga.
L'uniun vesa dentant era las sfidas ed ils privels en connex cun l'intelligenza artifiziala en las scolas, per exempel quai che pertutga plagiats. Per las persunas d'instrucziun dovria perquai tranter auter directivas e furmaziuns supplementaras.
