Ils discurs tranter Guy Parmelin e Wladimir Putin hajan gì lieu en in'atmosfera lucca. Temas sajan tranter auter stads l'economia e la politica da segirezza. Quai ha declerà il president da la Confederaziun la mesemna saira ad ina conferenza da pressa suenter l'inscunter.
La Russia saja per la Svizra in partenari fitg impurtant cun grond potenzial. La Svizra tutgia dapi onns tar ils pli impurtants investiders en Russia. Finamira da la Svizra saja da sustegnair interpresas svizras en Russia uschè bain sco pussaivel. La Svizra haja er discurrì cun la Russia davart la segirezza, ha declerà Parmelin.