Entant che las relaziuns tranter l'America e la Russia èn fraidas, èsi al lieu d'inscunter pli che chaud. Cun bundant 30 grads ha la Svizra beneventà il mardi Joe Biden a Genevra. La citad è pronta per l'inscunter suprem da mesemna.
Avant che las duas pussanzas fruntan ina sin l'autra, è s'inscuntrada la Svizra cun l'America. Tema tar l'inscunter èn stads ils servetschs diplomatics da la Svizra per ils Stadis Undis en l'Iran, ha il minister da l'exteriur Ignazio Cassis explitgà suenter. E tenor il president da la Confederaziun Guy Parmelin ha la Svizra regurdà ils Americans ch'ella vul cuntinuar ils prediscurs per ina cunvegna da commerzi bilaterala.