In anteriur collavuratur dal concern d'armaziun Ruag è vegnì sentenzià pervia da pajaments da cumissiun illegals. Per las fatschentas cun armas illegalas percunter n'ha la procura publica federala chattà naginas cumprovas.
Per ils pajaments da cumissiun da 150'000 francs ch'il collavuratur aveva retratg sto quel pajar in chastì da 27’000 francs. Vitiers vegn in chasti da 4’500 francs. Il concern d'armaziun Ruag era vegnì infurmà il 2018 da l'agen post da whistleblower davart in deal d'arma dubius dad in commember dal cader cun la Russia. Tenor rapports da medias duai quel avair fatg fatschentas da milliuns cun l'anteriur manader russ da la banca Julius Bär.