Be pli duvrar uschè bleras resursas ed emetter uschè bleras substanzas nuschaivlas sco la natira po cumportar. Quai vulan ils Giuvens Verds cuntanscher cun in'iniziativa dal pievel. Decleraziuns d’intenziun per la protecziun dal clima na tanschian betg, ha la partida annunzià suenter sia radunanza da delegads virtuala da la sonda.
L’economia e la societad stoppian vegnir transfurmadas a moda fundamentala – tranter auter en ils secturs clima, biodiversitad, consum d’aua e polluziun da l’aria. L'avust vulan ils Giuvens Verds cumenzar a ramassar suttascripziuns.