Cunter ordinaziuns da l'Uffizi federal d'ambient BAFU na datti per associaziuns nagin dretg da recurs, ha il Tribunal administrativ federal decidì. Il BAFU dettia mo la lubientscha als chantuns, scriva el en ina communicaziun.
Il BAFU aveva lubì d'eliminar 12 trieps da lufs en Svizra. Cunter quella lubientscha avevan organisaziuns da l'ambient fatg recurs l'enviern passà.
En il futur stoppian las organisaziuns d'ambient far recurs cunter las ordinaziuns da regular il luf en ils chantuns. «L'Uffizi federal d'ambient na po ni decretar ni abolir regulaziuns da populaziuns», scriva il Tribunal administrativ federal.
audio
Per tadlar: curt e cumpact
ord RTR Audio dals 28.06.2024.
laschar ir. Durada: 1 minuta 4 Secundas.
