In nov rapport da l'Uffizi federel da traffic mussa ch'il termin sin la fin da l'onn 2023 na po betg vegnir tegnì en. Per exempel la stgala per ir en il tren u la stgala fin tar il binari impedeschan persunas cun impediment dad ir sulet sin il tren. Pervia da quai avessan fin la fin dal 2023 da vegnir renovadas staziuns.
Però na vegnan prest 550 da las 1'800 staziuns betg da midar quai, di l'uffizi. Ussa dumanda l'Uffizi federel da traffic quellas staziuns da surmuntar quel temp cun alternativas. Quai pudess esser cun persunal ch'è al lieu per gidar. Las Viafiers federalas svizras din ch'i saja pli cumplex che pensà da realiser las staziuns accessiblas a persunas cun impediments. Var 300 staziuns vegnan pir bajegiadas enturn suenter il 2023.
