La situaziun finanziala da las cassas da pensiun svizras è sa pegiurada marcantamain l'onn passà. Surtut la guerra en l'Ucraina, l'auta inflaziun u er la situaziun economica malsegira han laschà fastitgs.
Sanaziun da cassas betg necessaria
Sco la cumissiun da surveglianza communitgescha saja il grad da cuvrida da las cassas da pensiun ì enavos per passa 11% sin anc 107%. La fin da l'onn eran bun 16% da las cassas uschia betg cuvridas avunda. L'onn avant eran quai strusch 1%.
Ina sut-cuvrida da las cassas da pensiuns n'ha nagina influenza sin las rentas currentas. Quellas èn garantidas tras la segunda pitga. Contribuziuns da sanar las cassas da pensiun vegnian tenor Catherie Pietrini mo ad esser necessarias en paucs cas. Pietrini è vicepresidenta da la cumissiun da surveglianza suprema dal provediment professiunal.
