Els hajan rimnà 137'000 suttascripziuns, e vegnian proximamain ad inoltrar quellas a la Chanzlia federala, ha il president da l’uniun Pierre-Yves Maillard ditg envers il «Blick».
Che l’iniziativa saja realisada uschè spert malgrà la pandemia da corona, mussia quant fitg che la glieud spetgia sin ina tala amplificaziun da las rentas.
L'iniziativa pretenda ina midada da la Constituziun federala. Tgi che survegn ina renta d'AVS, duai en avegnir survegnir ina 13avla renta mensila. Quella duai pussibilitar ina meglra vita en la vegliadetgna.
Ord l'archiv
L'AVS – l'assicuranza per vegls e survivents – datti dapi il 1948 en quella furma sco nus enconuschain oz ella. Il 1947 han ils umens svizzers detg GEA ad ella.