Radund 100 students pro-palestinais occupeschan dapi gievgia saira, ils 2 da matg, l’entrada d’in bajetg da l'universitad da Losanna. Els han tranter auter pretendì ch’i dettia ina pausa da cumbat immediata en la Strivla da Gaza e da boicottar scienziads ed instituziuns da l’Israel. Inspirà hajan ils students e las studentas acziuns sumegliantas en ils Stadis Unids, Canada e la Frantscha, han ils occupants e las occupantas declarà.
Nus refusain d'esser cumplizis da quest genocid che l'Israel commetta.
Plirs dals students e las studentas sa praparan da passentar la notg en il bajetg da l'universitad a Losanna. Els fan er appel ad students e studentas d'autras universitads che lez duain er mobilisar per in protest.
-
Bild 1 von 2Legenda: Las studentas ed ils students han mess bandieras da Palestina sin terra u pendì quellas vi da ils mirs da l'universitad. Keystone -
Bild 2 von 2Legenda: Keystone
Il protest haja cumenzà spontan. I na dettia nagina persuna u organisaziun che mainia il protest. La direcziun tschertgia tenor l'agentura da novitads Keystone-SDA il dialog cun las studentas ed ils students. Per il mument na vegnia il champ da protest betg rumì. Il protest saja restà paschaivels, quai ha Keystone-SDA communitgà. I na vegnia betg nuda las identitads dals occupants e las occupantas tenor il rectorat. La direcziun da l'universitad decida fin gliendisdis, ils 6 da matg, co proceder.