La situaziun da las interpresas svizras è il fanadur per l’emprima giada stada meglra ch’avant la crisa da corona l’entschatta dal 2020. A questa conclusiun vegn il KOF, l’Institut da perscrutaziun da la conjunctura da l’ETH a Turitg. El quinta ch’il product interiur brut (BIP) creschia ferm – e quai er sch’il dumber da novas infecziuns da corona s’augmentassan pli baud e pli fitg pervi da l’uschenumnada «Varianta Delta». Concret quintan ils perscrutaders da la conjunctura ch’il product interiur brut creschia quest onn per 3,8%.
Entant ch’il KOF na vesa betg en privel la dumonda dad exports svizzers, pudess la mancanza da semiconducturs anc durar in temp.