Dunnas ch’educheschan sulettas en Svizra vivan il pli savens en ina situaziun finanziala difficila cumpareglià cun persunas en autras cundiziuns da viver. In terz da las dunnas ch'educheschan sulettas avevan il 2015 mo pitschens u fitg pitschens meds finanzials a disposiziun. Ellas avevan circa tranter 32’000 fin 38’000 francs a disposiziun, sco i resulta d’in studi che l’Uffizi federal d’assicuranza socialas ha publitgà.
Per meglierar la situaziun finanziala da famiglias cun in genitur persul stoppia vegnir promovida la cumpatibilitad da lavur pajada e famiglia, l’integraziun en il martgà da lavur e las investiziuns en la furmaziun, constatescha il studi. En tut avevan var 8% da las chasadas sulet in'entrada fitg pitschna. Il studi ha analisà las cifras las datas fiscalas da 4,5 milliuns persunas.
