Ins haja vis quant impurtant che provisiuns da reserva da material sanitar sajan. Quai ha ditg il minister da l'exteriur Ignazio Cassis en in'intervista cun la gasetta «Blick». En pli dovria cunzunt en ina tala situaziun da crisa ina clera lingia, uschiglio na gidian er ils megliers plans da pandemia nagut. I saja impurtant ch'il pajas possia turnar pass per pass en la normalitad.
Tractativas cun l'UE n'han betg prioritad
La cunvegna da basa cun l’Uniun europeica vegnia pir l’auter onn puspè ad esser in tema per la Svizra. La cunvegna n’haja en il temp da corona nagina prioritad ha ditg il cusseglier federal, uschia il politicher e medi vinavant. El haja però dà l'incumbensa per in’analisa da las consequenzas da la pandemia sin las relaziuns tranter l’Uniun europeica e la Svizra.
