Damain Foodwaste en Svizra: Ensemen cun la branscha da nutriment ha la ministra d’ambient Simonetta Sommaruga suttascrit oz in plan d’acziun cunter il sguaz da vivondas. En Svizra vegnan bittadas davent radund 2,8 milliuns tonnas mangiativas, uschia inditgescha la rait da branscha United against waste. La finamira è da reducir il foodwaste per la mesadad fin l’onn 2030 en cumparaziun cun l'onn 2017.
Las mesiras
Mesiras per pudair reducir il foodwaste èn per exempel meglras indicaziuns dal datum da conservabladad, las chasadas infurmadas pli bain sur da foodwaste, meglier emballadi da mangiativas ed er donaziuns da mangiativas betg vendidas. Las masiras sajan però voluntarias.
Controllas davent dal 2025
Il 2025 vul il Cussegl federal far ina controlla sche la branscha è sin buna via da cuntanscher la finamira e sche necessari, agir vinavant. Per cuntanscher la finamira stuess il sfarlattim da vivondas enfin 2025 esser per in quart pli pauc.
