A Turitg han persunas muslimas e gidieuas demonstrà communablamain cunter odi e violenza. Almain 300 persunas sajan sa radunadas per in signal per umanitad e respect – e per mussar solidaritad cun l'unfrenda gidieua da l'attatga cun in cuntè l'emna passada.
Quai cun pleds per la pasch ed il respect e cunter l'antisemitissem, islamofobia, rassissem, odi, violenza ed isolaziun. Clamà a la manifestaziun ha ina gruppa da dialog muslima e gidieua ch'è tenor atgnas indicaziuns sa furmada l'october passà. Ella vegn sustegnida da las grondas organisaziuns islamicas e gidieuas en Svizra.