La primavaira 2020 è la pandemia da corona arrivada en Svizra. Il Cussegl federal ha prendì mesiras per part rigurusas per proteger la populaziun cunter il virus e per evitar ch'il sectur da sanadad, cunzunt ils ospitals, vegnia surchargià. A medem temp han perscrutadras e perscrutaders sin tut il mund cumenzà a sviluppar vaccins cunter il nov virus. Ina part da la populaziun ha gì grondas speranzas en quests vaccins ed en la vaccinaziun sco via or da la pandemia. Auters han gì ina tenuta negativa envers la vaccinaziun. En quest ambient politic e social è questa iniziativa vegnida lantschada l'atun 2020.
La iniziativa è vegnida lantschada da la gruppaziun «Freiheitliche Bewegung Schweiz».
Per ils adversaris sajan las consequenzas da l'iniziativa pli grondas.
Il Cussegl federal ed il parlament recumondan da refusar l'iniziativa dal pievel. Il Cussegl naziunal ha refusà l'iniziativa cun 145 cunter 49 vuschs ed 1 abstenziun. Il Cussegl dals chantuns ha refusà l'iniziativa cun 37 cunter nulla vuschs e 7 abstenziuns.
