Trais organisaziuns ord la medischina d’urgenza pretendan immediat mesiras coordinadas da la Confederaziun e dals chantuns per far frunt ad ina segunda unda. Ins na possia betg chapir ch’i dettia retard tar las mesiras.
Las organisaziuns observeschian il svilup actual cun quittads.
Il persunal vegnia entras las decisiuns da la politica als cunfins e quai ton corporal sco er psichic, hai num en la communicaziun. Dapi l’entschatta dal’onn lavuria il persunal da sanadad di e notg. Perquai pretendan las organisaziuns ussa immediat mesiras coordinadas per reducir il squitsch dal persunal.
Las autoritads stoppian per tut pretsch evitar che las persunas che lavurian sin il sectur da sanadad vegnan surdumandadas. Tar las trais organisaziuns da tracti da la societad svizra per medischina d'urgenza e salvament, la tgira d'urgenza svizra e l'associaziun da sanitaris da salvament.
Las trais organisaziuns represchentan tenor atgnas indicaziuns ina maioritad dals medis e dal persunal che lavuran sin las staziuns d’urgenza e tar ils servetschs da salvament.