La sessiun extraordinaria dal parlament federal da l'entschatta matg sin l'areal da la Bernexpo custa 3,1 milliuns francs. La delegaziun d'administraziun ha communitgà ch'ella haja prendì enconuschientscha dals custs stimads.
Ils custs totals sa cumponan dals tschains da locaziun, infrastructura, segirtad e sanitad sco er custs supplementars da persunal. Cun passa dus milliuns francs èn las expensas per l'infrastructura las pli autas.
Mascras da protecziun pon vegnir purtadas e la distanza d'almain 2 meters saja garantida.
La sessiun cumenza ils 4 da matg ed è deditgada exclusivamain a la crisa da corona. Planisads èn tschintg dis.