Ignazio Cassis vul laschar far in rapport davart la neutralitad da la Svizra en la politica da l’exteriur. Il Departament federal d’affars exteriurs ha confermà retscherschas dal «SonntagsBlick». Il rapport duai gidar da chapir meglier la neutralitad da la Svizra en il context actual. La dumonda da neutralitad vegnia cunzunt discutada a moda fitg cuntraversa dapi l’entschatta da la guerra en l’Ucraina e las sancziuns cunter la Russia. En quest connex hai dà critica da pliras varts per il Cussegl federal.
Responsabla per il rapport saja la Direcziun da dretg internaziunal public. Quel duaja esser avant maun fin la stad. L’ultim rapport davart la neutralitad da la Svizra ha il Cussegl federal collectiv publitgà avant 30 onns.